ÞAÐ SEM ÞÚ EKKI ÞARFNAST GETUR GLATT AÐRA

Hertex er nafn nytjamarkaða-og verslanna Hjálpræðishersins á Íslandi
. Fyrimyndin að starfseminni kemur frá Noregi en þar í landi rekur Hjálpræðisherinn nytjaverslanir sem allar starfa undir nafninu Fretex. Verslanirnar, sem eru nú fjörutíu að tölu, mynda stærsta nytjamarkaðskeðju í Noregi og hafa starfað nánast óslitið frá stofnun fyrstu verslunarinnar í Ósló árið 1905.
 Þessar verslanir hafa verið mikilvægar í starfi Hjálpræðisherins þar í landi sem og hér á Íslandi og hafa, frá upphafi, boðið fram fjölbreytta aðstoð sína fyrir fólk er hennar þarfnast, sinnt fataúthlutunum og staðið í rekstri verslananna samhliða því.

 

Hertex á Íslandi rekur nú þrjár verslanir á Íslandi og eru þær staðsettar á Höfuðborgarsvæðinu, Akureyri og Reykjanesbæ
.
Tekjur af rekstri þeirra hefur verið ómetanlegur og rennur ágóðin í velferðasjóð sem svo er nýttur í fjölbreytt starf Hjálpræðisherins hér á landi.  Tekjur af rekstri verslanna hefur verið ómetanlegur og rennur ágóðin í velferðasjóð sem svo er nýttur í fjölbreytt starf Hjálpræðisherins hér á landi. 

Hertex treystir að á gjafir frá almenningi og má finna söfnunarkassa á Höfuðborgarsvæðinu, Reykjanesi og Akureyri. Þessi mikla gjafmildi og velvild í okkar garð er ekki hægt að telja til fjárs.

Án ykkar aðstoðar væri Hertex ekki starfandi.

FRAMTÍÐARVON - FJÖLBREYTILEIKI - UMHVERFIÐ

Það er Hertex afar mikilvægt að gefa fólki framtíðarvon með valdeflingu. Allir geta lent í vanda í lífinu s.s. sjúkdómum eða atvinnumissi til lengri eða skemmri tíma. Með því að hjálpa fólki að byggja upp sjálfstraust sitt með námskeiðum, færni og stuðningi gefum við fólki von inn í framtíðina. Það þarf kjark til að taka á vanda sínum, fólk rís upp og fær tækifæri til að blómstra. Hertex vill stuðla að uppbyggingu einstaklingsins, hvetja hann áfram og hjálpa honum að efla hæfileika sína.

Í Hertex á að ríkja fordómaleysi. Engu skiptir hver uppruni fólks er, kynþáttur eða kynhneigð, húðlitur, tungumál, pólitisk sýn, fötlun eða lífsskoðun. Við viljum vera vinnustaður þar sem allir geta látið ljós sitt skína og þar sem geta fólks er metin en ekki getuleysi.

Það er Hertex mikilvægt að stuðla að umhverfisvernd. Við viljum vera sjálfbær og endurnýta það sem okkur berst bæði með því að endurhanna notaðan fatnað og með því að selja vörurnar áfram á sanngjörnu verði. Við viljum vera meðvituð um umhverfið okkar og að við sjálf erum fyrsta skrefið í átt að bættara umhverfi. Við viljum fækka þeim umhverfissporum sem við leggjum að baki okkur og minnka sóun eftir fremsta megni. 

GEFA EINSTAKLINGUM TÆKIFÆRI Á AÐ VAXA OG BLÓMSTRA

Markmið Hertex hefur frá uphafi verið að gera einstaklingum tækifæri til að vaxa og blómstra í leik og starfi.
 Þetta gildir jafnt um starfsmenn, sjálfboðaliða sem og skjólstæðinga okkar.

Hertex er í samstarfi við Virk (starfsendurhæfing) og Samfélagsþjónustuna. 
Aðilar sem þaðan koma hafa oft verið fjarverandi frá almennum vinnumarkaði í fjölmörg ár og hafa fundið sig í fjölbreyttri starfsemi innan veggja Hertex og hafa fjölmargir skjólstæðingar okkar fundið áður óþekktan styrk til að hefja virkan þátt í samfélaginu.
 Samhliða þessu samstarfi höfum við verið svo heppin að hafa dyggan hóp af sjálfboðaliðum sem koma úr öllum stigum samfélagsins. Sjálfboðaliðar eru nú tæplega 90 talsins og bindum við miklar vonir við að þeim fjölgi í framtíðinni.



 Markmið Hertex á komandi árum er að halda áfram á sömu braut en einnig með það að leiðarljósi að þróa og bæta þjónustu okkar við skjólstæðinga og viðskiptavini
.

Ástandið í samfélaginu undanfarna mánuði hefur verið mörgum erfitt.
 Það er því mikilvægt að fólk sé meðvitað um starfsemi Hertex og viti það, að það stendur öllum til boða að kíkja í heimsókn, hvort það sé bara til að fá sér kaffibolla, spjalla, gera góð kaup eða jafnvel taka virkan þátt í starfinu sem sjálfboðaliðar. 

Stefnt er endurmóta viðveru Hertex á veraldarvefnum og samfélagsmiðlum í takt við öra þróun í uplýsingatækni og hvernig hin almenni borgari leitar að upplýsingum
. Þar má einna helst nefna  vefverslun fyrir allar verslanir Hertex hér á landi. Við viljum gera öllum kleift að gera góð kaup, óháð búsetu.
Heimili í landinu hafa mörg hver minna milli handanna í þessu árferði og jafnframt er neysluhegðun okkar sífellt að breytast til hins betra. 
Hertex er því kjörin staður fyrir alla til að gera góð kaup, óháð fjárhag og um leið hjálpa umhverfinu með því að gefa gömlum hlutum nýtt líf.

GEFÐU ÞVÍ GAMLA NÝTT LÍF

Hægt er að koma með fatnað og aðrar vörur  í verslanir Hertex á opnunartíma eða setja fatnað/skóbúnað í nytjagáma sem eru staðsettir fyrir utan verslanir Hertex.

Nytjagáma má einnig finna við valdar verslanir Krónunnar í Reykjavík sem og við verslanir Bónus á Akureyri

Höfuðstöðvar og flokkunarstöð Hertex eru á Vínlandsleið 6-8, 113 Reykjavík.